La Sacra Bibbia, el Nœuv Testament | el Vangeli segond el Gioann, el Prolegh
2. Quest l’era in principi aproeuv a Dio.
3. Per mezz de luu hinn staa faa tutt i coss: e senza de luu l’è staa faa nagott de quel che l’è staa faa.
4. In luu gh'era la vita, e la vita l’era la lus di ommen:
5. e la lus la risplend ind i teneber, e i teneber l’hann minga reconossuda.
6. Gh’è staa on omm mandaa da Dio, che ’l se ciamava Gioann.
7. Quest l’è vegnuu come testimoni, per dà testimonianza a la lus, perchè per mezz de luu credessen tucc:
8. Luu l’era minga la lus, ma l’era quell per dà testimonianza a la lus.
9. L’era la lus vera, che l’illumina tucc i ommen che vegnen al mond.
10. Luu l’era ind el mond, e ‘l mond l’è staa faa per mezz de luu, e ‘l mond l’ha conossuu minga.
11. L’è vegnuu a cà soa, e i so de luu l’hann minga ricevuu.
12. Ma tutt quei che l’hann ricevuu, a lor i ha daa el podé de diventà fioeu de Dio, a quei che creden ind el so nomm:
13. I quai minga per via del sangh, nò per volontaa de la carna, né per volontaa de l’omm, ma da Dio hinn nassuu.
14. E 'l Verbo el s’è faa carna, e l’è staa de cà intra de nun: e hemm veduu la soa gloria, gloria de l’Unigh Fioeu del Pader, pien de grazia, e de veritaa,
15. El Gioann el rend testimonianza de luu, e ‘l grida, disend: Quest chì l’è proppi luu, quell che ve disevi: Quell che vegnaraa depoeu de mì, el vegn deprimma de mì; perchè primma de mì, luu l’era.
16. E de la soa pienezza hemm ricevuu tucc, e de grazia in grazia:
17. Perchè per Mosè l’è data la leg; la grazia e la veritaa hinn faa e vegnen per Gesù Crist.