Se dis persona o personna?
In milanes gh'è dò possibilitaa:
Persona (persuna)
Personna (persòna)
La primma l'è la forma generega, rustega, e de utilizzi in tutt l'ambit lombard-padan. Se dis inscì a Berghem, Turin, etc.
La segonda inveci l'è la manera de parlà civil/classega/colta de Milan.
In bergamasch al saress semper:
la persouna, i persoune (e NON i persòne)
A's ved in manera anmò piu marcada quand vardom di paroll tronch:
l'è bon / l'è bou
l'è bonna / l'è bouna
Comè a's poeul unificaa quij dò form ind ona forma "polinomega"?
La SL e la NOL, ma anca i alter fann inscì:
bon, bona
Ma gh'è ona manera piu razional de fàll, segond el Belloves inscì:
bon, bonna
Indovè che -on- in bergamasch al ven semper /u/ de pronuncia, e donca bonna l'è de leg:
bon [bu], bon-na [bu-na]
In milanes, inscambi, la doppia -n voeul dì che la -n- l'è dental:
bon [bõ], bo-nna [bò-na]
Nessun commento:
Posta un commento