Le Leggi Fondamentali della Stupidità Umana del Professor Cipolla

  Articol scrivid in grafea Scriver Lombard, dialet bergamasc

I lej fondamentai del Cipolla in sœ la stœpedetaa umana i sa trœva a l’interen del liber (“Aleger ma gna' trop”) qe ol Carlo Cipolla l’ha scrivid ind ol 1976; i è i seguente:

1.      Prima lej fondamentala: “semper e senza pudir evitar-l, noter tœts a’m sotastima ol nœmer de persone stœpede in circolazion.”

2.      Segonda lej fondamentala: “la probabeletaa qe una persona la sies stœpeda l’è independent de qualsies oltra carateristega de qella persona lé.”

3.      Terza lej fondamentala: “una persona stœpeda l’è causa de dagn a una persona o a un grœp de persone senza ind ol contemp portar-s a cà vantaj vergun per lu medem o adritura al ga porta a perdir vergota.”

4.      Quarta lej fondamentala: “I persone mìa stœpede i sotastima semper ol potenzial qe i g'ha i persone stœpede de portar rœvina. E a’m dix de plœ, i mìa stœpeds i desmentega tœts i dé qe ind un moment o sit qualsies, e ind una qualsies situazion, meter-s a tratar o associar-s con dei persone stœpede al se demostraraa, in manera infallibel, un error de qei costos.”

5.      Quinta lej fondamentala: “la persona stœpeda è-la ol tipo de persona plœ pericolosa qe ga sies.”

Pater Noster

 Ol Pader nost / El Pader noster

Pader nost, che ta sé in ciel,

Che ol tò nom sies santificàt,

Che ol tò regn al vegne,

Che la tò volontà sia facia in terra come in ciel.

Daga incœu ol nost pá de teucc i dé.

Perdouna noter i nos'c debec,

Come po à noter gh'i perdouna ai nos'c debitour.

E laga mìa borlà in tentazioù

Ma libera del mal.

Issé al sies.

Pader noster, che te see in ciel,

Che el to nomm sia santificaa,

Che el to regn al vegna,

Che la to volontaa sia fada in terra come in ciel.

Dan incœu el noster pan de tucc i dì.

Perdonna nun i noster debit,

Come anca nun ie perdonnem ai noster debitor.

E lassem minga borlà in tentazion.

Ma liberem del maa.

Inscì el sia.

-

In Scriver Lombard

Ol Pader nost / El Pader noster

Pader nost, qe ta see in ciel, 

Qe ol to nom sies santificad, 

Qe ol to regn al vegne, 

Qe la to volontà sia faita in terra come in ciel. 

Da-ga incœ ol nost pan de tœts i dé. 

Perdona noter i nosts debets, 

Come po anc’ noter g'i perdona ai nosts debitor. 

E laga miga borlar in tentazion

Ma libera del mal. 

Insé al sies. 

Pader noster, qe te see in ciel, 

Qe el to nom sia santificad, 

Qe el to regn al vegna, 

Qe la to volontaa sia fada in terra come in ciel. 

Da-n incœ el noster pan de tuts i dì. 

Perdona nun i noster debits, 

Come anca nun ie perdonem ai noster debitor. 

E lassem minga borlar in tentazion. 

Ma liberem del mal. 

Insì al sia.

Liber de l'Esod

 Capitol trii

Mosè l’era dree a menà al pascol i pegor del sò cognad el Jeter, el sacerdott de Madiana. L’heva menaa tutt el ròsc dent in fond al desert quand che l’è rivaa al mont del Signor, l’Oreb.

El Signor el s’è faa vedè al Mosè come fiamma de foeugh; la vegneva foeura de on roved. El Mosè vedeva che el roved l’era ardent, ma el vegneva minga sbrusaa.

Alora el Mosè l’ha ditt: che vision comè, gh’hoo de andà a vedèll de visin quell roved chì, perchè el se sbrusa minga.

Quand che el Signor l’ha vist che el vegneva incontra, el l’ha ciamaa de dent al roved e el gh’ha ditt: Mosè, Mosè. E lu el gh’ha responduu: son chì.

L’ha ditt anmò: ven minga pu innanz e desliga i lacc di tò sandol, perchè el sit doe te stet l’è terra sacra.

-

In Scriver Lombard

Capitol tri

Mosè l'era dree a menar a'l pascol i pegore del so cognad el Ieter, el sacerdot de Madiana. L'heva menad tut el roç dent in fond a'l desert quand qe l'è rivad a'l mont del Signor, l'Oreb.

El Signor al s'è fait veder al Mosè come fiama de fœg; la vegneva fœra de un roved. El Mosè vedeva qe el roved l'era ardent, ma al vegneva minga sbruxad.

Allora el Mosè l'ha diit: qe vision comè, g'hoo de veder-l de vixin quell roved qì, perqè al se sbruxa miga.

Quand qe el Signor l'ha vist qe el vegneva incontra, al l'ha ciamad de dent a'l roved e al g'ha diit: Mosè, Mosè. E lu al g'ha respondud: son qì.

L'ha diit anc'mò: ven miga plu inanz e desliga i lacc di to sandol, perqè el sit dove te steet l'è terra sacra.